Mayanne小喇叭｜郭珮文上圍豐滿常被質疑「打假波」　Juliana用3個字形容自己身材【多圖】

由新鮮出爐的「最佳女主持」麥美恩（Mayanne）和曾展望（GM）擔任助理主持的清談節目《Mayanne小喇叭》於今晚（3月14日）播出首集！

第一集以「身材好是現今的流量密碼」做主題，邀來出名身材勁的堪輿學家麥玲玲、郭珮文（Juliana）和黃婧靈（波波）擔任嘉賓，並請來三位身材同樣勁爆的KOL Kamchi、雀仔和Amber齊齊訴說胸大的煩惱！

Mayanne小喇叭丨麥美恩推出首個個人節目　 Mayanne與Juliana波波談好身材煩惱

▲ （左起）黃婧靈、麥玲玲、郭珮文任《Mayanne小喇叭》首集嘉賓。

Juliana用3個字形容自己身材

榮升新咪神的應屆港姐Juliana謙稱自己身材只是「過得去」，並自爆曾經是肥妹仔，她說：「後期減咗肥之後，有人讚我身形OK，都開心嘅！」

玲玲姐好奇問她是否瘦身唔瘦胸時，Juliana即說：「有呀，都會縮（水）㗎！」問到曾否被質疑是「假胸」？Juliana說：「好多呀，好多人會留言話假波。」Juliana隨即做出一個不在乎表情，並大拋高EQ金句應對Hater，絕非胸大冇腦之人！

▼點擊圖片放大

+5

+4

Juliana：托起咪就係Y

之後GM講到有研究指Y形及I形事業線有助分辨真假胸，屬有料之人的Juliana對此似乎不太同意，並指自己能Y、I隨時切換：「托起咪就係Y，齋唧咪就係I囉！」

其實曾有網民留言問道：「點解可以咁好身材，好羡慕，平時有無做gym或者飲食有無特別注意㗎？」

Juliana回覆表示：「感覺基因決定了一半，另外就是我從小是游泳隊的，後來嘗試了一下力量舉重，也算擼了幾年鐵，疫情開始以後就沒運動過了，應該算在吃老本，是時候該鍛鍊一下了。」

至於在飲食方面，她說：「飲食我是太愛吃了，特別是重口味、油炸那些，多吃會胖，如果不想胖就照樣吃但份量減少，攝取熱量不超過自己能代謝的就不會胖，健康飲食對我來說還是有難度，會emo的。最後就是拍照凹個造型，好身材人人有！」

▼點擊圖片放大

+15

+14

波波身材驕人被調戲

至於黃婧靈透露她「波波」這個花名字是由網友命名，她並曾為波波這名字不開心：「我有本名㗎嘛，點解要叫我波波呢？但用用吓呢個名又覺得幾好，疊字又易記！」

波波更大爆因驕人身材引發的風波，說：「有一次拍劇開05，同Mayanne同一套劇，當時我笠頂帽落到去個鼻度。之後我去咗換衫，一出嚟就同個前輩打招呼，但佢冇理到我，我隔咗3秒之後岳高個頭，發現佢望緊我心口，佢話：『好彩認到你心口咋，如果唔係都唔認得你！』」

於是Mayanne好奇問到底是誰，波波說：「出名㗎！」說罷波波便對Mayanne做了個口型，Mayanne心領神會笑謂：「嗰個連我都調戲呀，但都係劇情需要啫！」

▲ 波波在《Mayanne小喇叭》大爆料。

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5